انت مش هتصدق يا احمد، اخيرا عبدالله قالي بحبك!

_فين السؤال؟
*معتش ليكي دعوة بيه يمريم، لا كلام ولا سلام 
_وانا مش هعرف اعمل كده 
*يا انا يا هو اختاري بقي
سكت وانا مصدومة، يا عبدالله يا احمد!
_انت ازاي تخيرني ؟ 
*يا نكمل سوا وهو مش موجود في حياتك، يا كل واحد يروح لحاله، هو مجرد جارك أنا خطيبك
_الي مجرد جاري الي بتقوله عليه دا هو الي لف معايا عشان فستان خطوبتي، هو الي كلمني لما كنت في الكوافير عشان يعرف أنا محتاجة حاجه ولا لا في حين انك كنت مشغول في شغلك وقتها، الي دايما معايا وسندني، الي عمري محتاجته وملقتوش، أنا وهو صحاب بقالنا ست سنين، أنا منكرش إني كنت فعلا عوزاك واتمني نبقي سوا، بس لما قربت منك لقيتك مش شبهي، شهر وانت اناني بتعمل الي يريحك بس، خلتني ابعد عن شخص عمره مقدملي غير كل خير، لو اتحطيت في مقارنة فعلا ف هو الكسبان مش انت 

*يبقي انتي الي اختارتي
طلعت البيت بسرعه، دخلت اوضتي وانا بعيط، بعدها بيوم فشكلنا الخطوبة، حسيت اني كنت في سجن وخرجت، فعلا مش كل حاجه بتبقي مبهورين بيها تبقي معاها سعادتنا!
=انتي فشكلتي بجد؟
_ايوة 
=لي كده، كان ممكن تديله فرصة تانيه انتي بتحبيه و..
_لاء منا اكتشفت اني محبتوش، ف بعدت بدل ما افضل في علاقة بتأذيني 
=متأكدة إن دا احسن ليكي؟
_ايوة والله بكتير، انت عامل ايي ؟ وحشتيني اوي علي فكرة 
=والله وانتي وحشتيني اكتر، مكنش فيه زن في اليوم، يومي كان هادي خالص 
_تصدق انك مش جدع!! 
رجعت حياتي زي ما هي، عرفت اني بحبه هو، إن الحب الحقيقي كان جمبي طول الوقت وانا مخدش بالي منه! كنت بختار الحاجه البعيدة واقرب حاجه ليا مشوفتهاش.
_ولا! انت مش عاوز تتجوز لي؟ مامتك كلت دماغي قالتلي اقنعك
=بتوريني صور عرايس، طريقتها حسستني أننا رجعنا العصر الفاطمي
ضحكت _وانت عاوز تتجوز ب انهي طريقه؟
=اني احب ف اخطبها، أنا مش اقل من الي بيتجوزوا عن حب جري أي ؟
_وانت بتحب؟
=أيوة
اتخضيت، الواد الي حيلتي ضاع مني 

_بتحب مين؟
=مهو مش هينفع اقول، كان زماني قولت من زمان 
_اعرفها؟ واحدة من صحابي؟
=..
_متقولي يالا! انت هتخبي عليا أنا ؟
=واحدة معايا بقالها ست سنين 
_انت بتحبني أنا ؟
=الدنيا كلها عارفة وحاسه الا انتي جبلة، انا عم ابراهيم بتاع الخضار بيقولي هنفرح بيكم امتي؟

_لي مقولتليش ؟ 
=عشان مكنتيش معتبراني غير اخوكي وصاحبك بس، لكن بعد ما مامتك أكددلي امبارح انك بتموتي فيا ف قولت اكسب فيكي ثواب
_امي! احيه هي قالتلك؟ تصدق بالله خسران الي يفضفض معاها تاني 
=خدي هنا انتي هتجري؟ هنفرح امك وامي بينا ولا لا؟
_هنفرحهم افكورس هنفرحهم 
=هو انا هلف محلات قد كده عشان فستان خطوبة! 
ضحكت _انا بحبك اوييي 
=ايي؟
_تفتكر ننقي فستان الخطوبة لونه ايي ؟

مريم سمير 🤍.