انت مش هتصدق يا احمد، اخيرا عبدالله قالي بحبك!

_انت مش هتصدق يا احمد، اخيرا عبدالله قالي بحبك!
=نعم؟
_اه والله زي مبقولك، أنا اتصدمت زيك بالظبط، انا مبسوطة اوييي، جاي النهاردة مع باباه ومامته عشان يتقدملي
=طب الحمد لله دي اليوم الي كنتي مستنياه بقالك كتير، ألف مبروك يمريم 
_قولت انت لازم اول حد يعرف  ، محدش استحمل عياطي ونكدي وهرموناتي غيرك، وهتفضل دايما احسن صاحب في الدنيا بالنسبالي والله 
=ربنا يفرح قلبك يمريوم 
_انا وانت يحبيب اخوك، اروح يدوبك اجهز، ومستنياك اكيد يعني مش هنتفق علي اي حاجه من غير وجود اخويا!!
=هدخل ألبس وجاي

_دا احمد الي حكيتلك عنه، اكتر من اخويا بجد و..
*بتهيقلي مش جاي عشان نتكلم علي احمد! لمؤاخذة يا ابو حميد يعني 
=لا ولا يهمك، أنا خارج ربنا يتمم بخير
خرج ف رجعت بصتله _انت عملت كده ليي؟
*اصل بصراحة يعني حاسس إن علاقتكم اوفر، هو يدوب جارك وانتي مدياه اكبر من حجمه 
_نعم؟
*وكمان يمريم أنا مش هسمح لخطيبتي تكلم واحد ولا انتي شايفه أي ؟ 
سكت ومردتش، بعد عشر دقايق ماما ومامته زغرطوا، الخطوبة بعد بكرة، كنت فرحانة اويي اني خلاص هبقي معاه، بقالي سنتين بحلم ب اليوم دا بعد ما كان فتي احلام بنات الجامعة كلها بقي ليا أنا!!، مشيوا وطلعت البلكونة بسرعه
_ولا، ولا 
=ها اتفقتوا علي اي؟
_الخطوبة بعد بكرة 
=متخلي امك تكن بقي بقالها ساعة ونص بتزغرط
_والله قيلالها تعززني قدامهم، أنا اتزنقت زنقة سودا، هلحق اجيب فستان بكرة؟