انت مش هتصدق يا احمد، اخيرا عبدالله قالي بحبك!

=هتلحقي إن شاء الله
الفون رن ف رديت *ها فرحانة؟
_اويي، اه بقولك انت هتيجي أمتي نجيب الفستان ؟
*لاء بكرة أنا مشغول اوي في الشغل، خدي مامتك وروحوا وانا هبقي احاسب 
_عبدالله! بقولك فستان خطوبتنا يعني المفروض تبقي معايا، عشان هلف و..
*مريم بقولك مشغول وعوزانا نلف كمان؟ اسمعي الكلام وخدي مامتك، سلام دلوقتي عشان الشغل
_سلام 
قفلت وانا مستغربة، مش هي دي الفرحة الي كنت مستنياها!
=نحن هنا، في أي مالك ؟
_مش جاي معايا بكرة ننقي الفستان، بيقولي خدي مامتك وماما اصلا بتتعب لما تنزل السلم وانا مش عاوزة اتعبها معايا 

=هاجي معاكي أنا 
_اقسم بالله؟ وشغلك؟
=اكيد مش هسيبك تروحي لوحدك يعني 
_والله انا مهما لفيت مهلاقي زيك يا احمد 
=بكرة من بعد العصر بقي في التراوة 
_خلصانة يصاحبي
دخلنا نمنا، وصحيت صليت وساعدت ماما في الاكل وخلصنا غدا ولبست ونزلت كان هو مستنيني، ركبنا العربية ولفينا تلت محلات 
=طب ودا ؟
_لاء مش هيبقي حلو علي بشرتي 
=بصي دا 
كان فستان متعلق علي مانيكان، كان لونه كافيه ومنفوش حاجه بسيطة، كان حلو اوييي 
_تحفة 

=لو سمحتي عاوزين الفستان دا عشان تقيسه 

دخلت البروفة وقيسته طلعت وكان بيبصلي وضحك 
_شكلي حلو ؟
=حلو اوييي، ناخده؟
_ناخده 
خدناه ودفعت الايجار ب الفيزا بتاعت عبدالله الي بعتهالي الصبح عشان احاسب بيها، احمد حطه في شنطة العربية وركبنا 
_تعبتك معايا اوي مش عارفة اقولك أي والله
=بطلي عبط يمريم أنا معملتش حاجه 
_اقولك علي حاجة؟ أنا اوقات كتير بحسد الي هتبقي من نصيبك، واعمل حسابك مش هتتجوز غير واحدة أنا موافقة عليها 
=دا كده كده 
وصلنا البيت وطلعت بالفستان دخلت الشقه لقيت عبدالله قاعد في الصالون 
_اه اهلا عبدالله 
*انتي روحتي مع مين؟ مامتك هنا انتي روحتي لوحدك ولا اي؟
_لاء احمد كان معايا 
*نعم؟ مهو أنا مش هستحمل كده، انا قولتلك مش هسمح لخطيبتي تكلم حد، ماشي يمريم؟ اظن كلامي واضح