انت مش هتصدق يا احمد، اخيرا عبدالله قالي بحبك!

_ايوة بس..
*مبسش، دا ابسط حقوقي 
_ماشي يعبدالله 
دخلت اوضتي وهو مشي، ابعد عن احمد!! 
نمت وصحيت علي صوت ماما وهي بتصحيني، روحت الكوافير بعد الضهر، احمد رن عليا ف رديت 
=محتاجة حاجه اجبهالك؟
_لاء يبا متحرمش منك 
=كلتي قبل متنزلي؟
_..
=والله كنت عارف، انتي يبنتي مش هترتاحي الا لما تقعي في الأرض، هجيبلك اكل وجايلك 

بعد نص ساعه لقيت بنت جيبالي اكل وقالتلي أنه منه، كلت وكملت ميكب، عبدالله جه علي بعد العصر عشان السيشن، خلصنا السيشن وطلعنا علي القاعة 
°ألف مبروك يحبيبتي 

وشوشت ماما في ودنها _امال فين احمد؟
°وصلنا كلنا بالعربيه ورجع يجهز وجاي 
بصيت قدامي لقيته داخل لابس بدلة لأول مرة، كان حلو اويي، الواد دا هيتحسد النهارده 

كان يوم حلو، روحت هلكانة ونمت علي طول، صحيت لقيت عبدالله عندنا وقايل ل بابا أنه هياخدني نتغدي برا، لبست ونزلنا 
•عاوزة تتغدي ايي؟
_اي حاجه عادي 
*فيه مطعم هنا حلو اويي 
نزلنا عند مطعم كان كبير اويي، دخلنا كان المنيو كله انجليزي وانا مش فاهمة منه اي حاجه!
_احنا هناكل هنا؟
=أيوة، فيه حاجه ولا اييي
_انا كنت حابة ناكل كريب أو شاورما أو حاجه زي كده 
=نعم ؟ لاء طبعا، الاكل الي قدامك دا احسن بكتير وأكل مستورد
افتكرت لما كنت مع احمد وكنا بناكل علي عربية فول أو كريبات علي باب العمارة، كنت مبسوطة اوي غير دلوقتي وانا قدامي اغلي اكل ممكن اكله! 
خلصنا أكل وخرجنا _احنا مش هنمشي شوية؟
*نلف بالعربيه احسن 
كان بيعمل الي هو عاوزه بس، كنت فاكرة إني لما اكون معاه هبقي مبسوطة عن كده!، مر شهر كنت بعدت عن احمد، وكان هو في شغله طول الوقت مش بيكلمني الا قليل ولما نخرج نخرج علي مزاجه، في يوم وصلنا البيت وكان أحمد قدام العمارة
=ازيك يعبدالله اخبارك 
*اه اهلا 
_ازيك يا احمد، قاعد لوحدك لي؟
=كنت قاعد شويه ورايح الموقع دلوقتي عاوزني في شغل 
مشي ورجعت بصيت لعبدالله لقيته متعصب 
*انتي بتكلميه لييي؟