اتجوزت في بيت في أربع سلايف وانا السلفه الأخيرة والحمد لله.
انت في الصفحة 1 من 4 صفحات
انا اتجوزت في بيت في أربع سلايف وانا السلفه الأخيرة والحمد لله.
اصل حماتي خلفتها كلها صبيان جابت اربع جدعان بس
احمد. ومحمد وحسن وحسين
سلفي الكبير احمد خلف تلات صبيان
والتاني خلف بنتين
والتالت خلف بنت وولد
وانا الوحيدة الي بقالي خمس سنين مجوزة ومخلفتش حتي
حنفسه كميه العذاب والقهر الي شفته من حماتي وسلايفي ميتوصفش.
اصل حماتي شديدة وصحتها حلوة برغم كبر سنها بس ايه ماشاء الله عليها جبل.
وسلايفي كلها عقارب والحمد لله. كانوا معيشيني في هم وكل شغل البيت علي دماغي
من كنس لطبخ لمسح لحد غسيل هدومها انا كنت بغسله بحجه أن كل واحدة الي تعبانه من جريها وراء عيالها والي تقوله سهرانه بالليل مع جوزي.
يعني أنا مرمطه البيت وكنت ساكته وراضيه علشان يمكن ربنا يجازيني بطفل علشان افرح بيه بدل حرماني من الضنا الي عايشه فيه وقلت يمكن حماتي وسلايفي يتهدوا شويه عن مضايقتي.
وفي يوم وانا في عز الغسيل والشغل وقعت دايخه علي الارض.
حماتي فؤقتني بجردل ميه علي دماغي وقالت حتستهبلي قومي كملي غسيل
دعيت ربنا في سري ودموعي علي خدي من قهري ووسط شماته سلايفي فيا.
دخلت غيرت هدومي وكملت غسيل هدوم. وخلصت الي ورايا وعدا اليوم وانا تعبانه وحاموت من المغص والدوخه
