عايزاك تقابل العريس ياعمر

_ انا عايزاك تقابل العريس ياعمر  

~نعم!!!؟... عريس ايه!

_عريس جايلي..ومافيش غيرك يقابله...مش انت اخويا!

~امشي من قدامي ياليله..

_ليه في ايه..يعني اقوله يجي امتي ؟..

~انا هغور من وشك احسن ماارتكب جريـ,مـه...

انا ليله والدي متوفي من وانا خمس سنين...وبعدها ماما من سنتين...ومن وقتها وانا عايشه عند عمتي،بحبها اوي ولما اخترت حد اعيش معاه بعد وفاه امي كانت عمتي لانها حنينه معايا،عندها ولدين مازن ودا صديقي الصدوق،والكابتن عمر اللي مطلع عيني وماسكلي في كلمه " انتي اختي ياليله" وانا قررت أأكدله معلومه اني اخته وعاوزاه يقابل العريس اللي جاي لاخته 🫣

● ليله..يابت..ياليله  

_ ايه يابني ادم..خير

● لا بطمن عليكي..عملتي ايه مع عمر

_ولا حاجه ياميزو يااخويا قولتله يشوف معاد يقابل فيه العريس  

● انتي جبروت والله  

_ اعملك ايه مش اخوك اللي مش حاسس بوجودي اصلا...خلاص خليه ماسكلي في انتي اختي ويقابلي عتريسي بقا..اصلا اخوك دمه تقيل وتنك...واد ياميزو هو انا ليه حبيته ومحبتكش انت !؟

● مش عارف والله يابت ياليلو..اقولك ماتتجوزيني انا...وسيبك من الخطط اللي مبتنجحش دي واهو ابقا كسبت فيكي ثواب  _ وجه نظر برضو...بس لاء..انت اخويا ياعم ويتحب البت صاحبتي لا مينفعش...بص انا هشوف عريسي بقا وخلاص  

● حلو دا...اهو احسن ماتعنسي ياختي