وهو دا اخر قرار عندك انك تطلقني

- وهو دا اخر قرار عندك انك تطلقني 
رد ببرود: هو دا اللي عندي، اظن انتي عارفه ان كلمتي واحدة ومش بغير قراراتي يا نجوي
نجوي بعصبيه: مين اللي دخلت حياتك اللي خليتك تعمل معايا كدا وتتغير معانا انا والعيال يا ابراهيم هااه؟؟
ابراهيم بعصبيه: انتي بتبجحي ليه بقولك هطلقك ودا قراااري
سمعت ليال صوت زعيقهم سابت كتبها وخرجت من الاوضه وهي بتقول: هو في ايه..هو كل يوم مشاكل بينكوا بحسكوا لسه متجوزين؟ مش قادرين تستحملوا بعض شويه؟

رد عليها ابوها وهو بيقربلها بعصبيه: انتي شكلك ماتربتيش زي امك ومحتاجه تتربي
"مسكها من شعرها وامها صوتت وبتحاول تشدها" 
ليال ببكاء ووجع: سيبني حرام عليك 
ابراهيم شدها اكتر: حرااااام عليييااا؟؟هو انتي لسا شوفتي حاااجه 
نجوي بتسرع وهي بتشدها من تحت ايده قالت بصوت مرتفع: هريحك مننا ونبي ونبي سيبها مش انت هتطلقني؟؟سيبنا نشوف طريقنا بقا ابوس ايدك 
ليال فلتت من ايده بأعجوبه وجريت وقفت ورا امها بعياط وخوف 
ابراهيم وهو بيميل علي ليال بزعيق: هااتفضلي دلووعة امك انتي لحد ماتكبري وتبقي متدلعه 
نجوي بترجع ليال ورا: حسبي الله ونعم الوكيل فيك يا اخي....هنسيبلك البيت انا وبنتي عشان يفضي لل "كملت بسخريه" للعروسه الجديده

ليال بصت بإستغراب علي امها كيف تحبه بهذه الطريقه!!! فا كل خلافهم دائما وطوال الوقت عن غيرتها عليه!!
نجوى وهي توجه كلامها لليال: يلا يابنتي خشي لمي هدومك"لفت تبص لإبراهيم بقر'ف وبصتلها تاني"مش دا مكاننا الحقيقي
ليال دخلت بسرعه الاوضه ولمت كل كتبها وهدومها وبصت ف المرايا...قد ايه هي تعبت ونفسها ترتاح وتريح مامتها...فاقت من شرودها علي ابوها واقف علي الباب 
ابراهيم وهو بيرميلها فلوس: خدي دول خليهمك
ليال تفادت النظر اليه وهي ترد بلامبالاه: مش عايزاهم 
ابراهيم جاي يقرب رفعت ايدها بإشارة انه يقف واردفت: ماتقربش سيبني انت لايمكن تكون ابويا....ولا حتى امي تستاهل واحد زيك " بصتله بعتاب واخدت شنطتها وعدت من جنبه وهو لسه واقف مش عارف يقولها ايه"
ليال شافت مامتها طالعة من الاوضه بشنطتها: يلا ياماما انا جهزت كل حاجه
" خرجت هي ومامتها وكانت ليال شايفه امها مهمومه طول الطريقه طبطبت عليها ونجوي بصتلها بإبتسامه خفيفه

" في إحدي شركات الغنيمي المشهوره  
في مكتب يونس رجل جذاب مُتعلم وهو اللي ماسك كل شركات الغنيمي"