انت متأكد ياكرم ان مامتك مش هيكون عندها مشكله اني اقعد معاها

_انت متأكد ياكرم ان مامتك مش هيكون عندها مشكله اني اقعد معاها فترة في بيتها بعد اللي عملته..يعني مش هيحصل مشاكل

قالتها حبيبة بقلق وتوتر وهي جنب كرم في عربيته ومتجهين ناحية البيت

رد كرم وهو سايق وبيحاول يطمنها
_يبنتي ماما دي سكر اصلا واطيب حد ممكن  تقابليه في حياتك ومستحيل تكون بتفكر بالطريقة دي

سكتت ورجعت تاني تفكر في حياتها الجايه
بصيت لكرم بشرود وسرحت فيه وفي وملامحه الوسيمه وحسيت انها مطمنه وهي جنبه 
احساس الامان اللي فقدته بمoت والدها رجعلها دلوقت بفضل كرم ووقوفه في ضهرها

لاحظ كرم انها بتراقبه علشان كده اتكلم بخبث
_حلو انا صح

توقع انها هتتكسف مثلا او هترد بسخريه لكن فاجئته بردها اللي هز ثباته جدًا

بصلها كرم بصدم#مه من جرئتها وابتسم بخجل حبيبة لاحظته وضحكت بصوت عالي 
_انت بتتكسف ياكرم

_مش لدرجة اتكسف يعني بس متوقعتش تمدحي فيا 
حبيبة الرشيدي اول مره تشكر في حد غير نفسها

ابتسمت بحزن على جملته 

وقف العربيه على جنب لما حس انها اتضايقت وبصلها واتكلم بجدية
_عمري ما صدقت اللي بيتقال عليكي وانك متكبرة ومغرورة ونرجسية وكل الكلام ده

من اول مره شوفتك فيها وانا حاسس ان جواكي واحده نقية جدًا بتتصرف بعفوية وطفولية وطيبة لدرجة السذاجة وبتداري كل الصفات دي في واحده معندهاش قلب وبتتعامل مع الناس من غير رحمه

لكن انتِ مش كده ياحبيبة، انتِ احسن من كده بكتير ويمكن تربية باباكي الله يرحمه ليكي كانت سلبيه اثرت شويه على شخصيتك لكن اللي متأكد منه انك مش عاجبك حالك ده وانك هتحاربي علشان تغيري شخصيتك المصطنعه دي وتبقي على طبيعتك اللي هتخلي كل اللي حواليكي يعشقوكي مش بس يحبوكي

بصتله بتأثر من كلامه وعيون بتلمع بأمل وفرحه وابتسامه سعيدة
اول مره حد يشكر فيها وفي شخصيتها وكان مش اي حد
ده كرم 
كرم اللي دخل حياتها وبيحاول يغيرها للأحسن