كنت بفتش في تليفون اختي الي ماتت من اسبوع بعد ما قدرت اوصل للرقم السري والي كان تاريخ ميلادي
انت في الصفحة 1 من صفحتين
كنت بفتش في تليفون اختي الي ماتت من اسبوع بعد ما قدرت اوصل للرقم السري والي كان تاريخ ميلادي
كنت بحب ندي اختي جدا لكن مكنتش متخيله انها بتحبني لدرجة تخلي تاريخ ميلادي،.
الرمز السري لتليفونها.
اتفرجت على صورنا مع بعض،ندي كانت محتفظه بكل صورنا، كل ذكرياتنا من واحنا صغيرين، لاحظت ان ندي غيرت صورة بروفايلها قبل ما تموت بيومين.
الماسنجر، والواتس كانو محذوفين، قعدت افكر في ندي قبل موتها، مكنتش مريضه او حتي حاسه بأي وجع
انخطفت كده مره وأحده ودا الي خلانا اتصدمنا، كنت بحاول اصحيها تفطر معانا لقيتها نايمه علي السرير ميته زي الملاك
انا بس الي لاحظت خربشه صغيره في رقبتها، اكيد القطه بتاعتها حاولت تلعب معاها ولما ندي مردتش خربشتها.
افتكرت القطه وازاي هربت اول ما فتحت الاوضه ومرجعتش تاني
كل الذكريات دي خلتني ابكي وانا بتفرج علي صور ندي، وسط الصور كانت فيه صوره بشعه
عديت الصوره بسرعه لاني مش بحب الصور دي وبخاف منها، صور تانيه لندى وصاحباتها، ماما، بابا، وصوره كبيره لي انا واقفه قدام المرايا، مش فاكره ندي خدت الصوره دي امتي بس الصوره كانت واضحه جدا.
