بس انا دكتور وحبيبه مجرد طالبه في كليه حقوق !
انت في الصفحة 1 من 3 صفحات
_بس انا دكتور وحبيبه مجرد طالبه في كليه حقوق !
_يعني اي احنا اخترناه حبيبه عشان شايفنها مناسبه ليك اكتر تقوم انت تقول كده
_مناسبه اي انا دكتور وعايز دكتوره زي مش محاميه انا عايز واحده تكون كليه مراتي وافتخر بيها !
_يعني دي مش هتفتخر بيها دي في كليه برضوا وتعليم عالي !
_ماشي بس خليك عارف هتندم في يوم
_لا متخفوش عليا مبندمش سيبوني انا حر
_براحتك يا دكتور
"كنت رايحه بيت الجيران ماسكه طبق الاكل اللي ماما عملته وقالتلي اروح سمعت الكلام ده بين أسر وباباه،مش هقول اني زعلت لان الكلام عليا بس برضوا متأثرتش اوي عادي انا اختارت ادبي من الاول عشان كليه حقوق دي كانت حلمي من البدايه
مفكرتش اني اكون دكتوره انا عايزه اكون محاميه وحابه ده،كنت همشي بس تظاهرت بالثبات كده كده رايه مش هممني ومش هخلي كلامه يأثر فيا،
وقفت شويه ورنيت الجرس وبعد شويه طنط فتحتلي.
_اي ده حبيبه حبيبتي تعالي وحشتيني والله.
ابتسمت _وانتي كمان يا طنط وحشتيني
_تعالي ادخلي طيب بدل ما انتي واقفه كده
_معلش يا طنط فرصه تانيه انا عندي امتحانات الايام دي بس ماما قالتلي اخليكي تدوقي اكلها
خدت الطبق وابتسمت _انتي هتقوليلي علي اكل مامتك يلا ادخلي
_معلش مره تانيه
