أنتِ عارفة فرق السن كام ؟!
بـ دوري ابتسمت وازاي مبتسمش أدام نجمة صغيرة بس واعية وده اللي خلاني اتقدم وأنا عارف فرق السن، عشان عقلها واصل وملوش دعوة بـ سنها!: طب وفي حالتنا ازاي هيكون في حب ومفيش بنا كتير مواقف !
كان ردها مع نفس الابتسامة البسيطة اللي بتحلي ملامحها زيادة: أفتكر القبول قادر يخلق بين القلوب محبة كفاية !!
سحرتني بهدؤها وكلامها، أخدت نفسي وسألت: ايه طلباتك ؟، اؤمريني وكله مُجاب !!
قالت بعد تنهيدة: الأمر لله وحده، وانا مليش طلبات طالما هتحترمني وتقدرني يبقي هعفيك من اي حاجة!
سألت بـ حيرة: مش غريب كلامك ده يا نجمة !!؟
