اي يا سهيله تلفونك مقفول ليه
اكيد مش هسيبه يتحكم فيكي تصبحي على خير يا حبيبي
..
بابا مشي وانا قاعدة افكر كده شويه هو كلامه صح
انا مش هنكر اني معجبه بفارس بس بردو مش بعرف اعتذر انا ممكن انكشه
رنيت رنه صغيره وقفلت
بعد ١٠دقايق رن
- الو
-رنيتي؟
- اممم..لا
- لا فيه رنه جاتلي منك
- يا سطا لا مرنتش
- ياسطا!
- بضحكه خفيفه * اه مالها
- بجمود مصطنع*انتي بترني عشان تقولي يا سطا
- ٠٠٠٠٠
- هتفضلي ساكته
- بتنهيده وخفوت * انا اسفه يا فارس
- بهدوء* خلاص يا سهيله حصل خير بس المهم انك تكوني عرفتي غلطك فين انا مش بقولك كده عشان اتحكم فيكي انا بحبك يا سهيله وببقي عايز اطمن عليكي مش اكتر
- سهيله هو انتي مش عايزاني او مش متقبلاني ؟
- فارس معلشي لازم اقفل علشان ماما بتنادي
فارس**
يا تري فعلا مش عايزاني يا سهيله انا بحبك بجد والبعمله ده بعمله عشان بحبك
قاطع تفكيري رن تلفوني ب رقم عمي (ابو سهيله )
- الو ازيك يا عمي
- بخير يا بني اي اخبارك
- تمام الحمدلله
- ديما يابني بخير بقولك بكره حماتك عامله اكلة محشي هتعجبك اوي هستانك بكره بقي
- بابتسامة * حاضر يا عمي
عند سهيله ***
-اهو يا ستي جاي بكره
- شكرا يابابا انا زي ما قولتلك محتاجه بس اوضح كام حاجه كده
تاني يوم
صحيت خلصت الورايا وفضلت قاعده بحاول ارتب كلامي انا هقول اي انا عارفه اني ممكن اكون مش منطقيه بكلامي ده بس بس نفسي اعيش واجرب الحب!
جه الوقت وفارس جه وطلعت وقعدنا اكلنا وبعد كده عملت شاي ورحتله
: عامل اي يا فارس
: الحمدلله انتي عامله اي
: بخير
ساد الصمت لثواني
فارس: امبارح انتي قفلتي ومردتيش عليا
سهيله بتنهيده: بص يا فارس انا مش بحبك ومش بكرهك انا زي اي بنت نفسها تحب وتتحب ونفسي اعيش قصة حب يتحاكه عنها بس مره واحده لقيت نفسي اتخطبت لشخص انا اصلا معرفهوش انت شخص كويس ومحترم مقدرش انكر ده بس بس ٠٠٠٠٠٠٠انت فاهمني؟
فارس: يعني انتي عايزه تعيشي قصه حب
سهيله: اه
فارس: واحنا طبعا مكناش نعرف بعض ف ملحقتيش تحبيني