تعالي ي عروسه ادخلي ي حبيبتي

غاده حاولت تداري حز.نها ببتسامه: بعد الشر عليكي ي ست الكل ربنا يطول في عمرك

مامت غاده مسحت دمو.عها: اوعي تسمعي كلامهم ي قلب امك انتي زي القمر والف واحد يتمناكي.

. عايزه تخسي خسي عشان انتي عايزه كدا مش عشان الناس ي غاده وانا عمري ما هجبرك علي حاجه ي حبيبتي.. بكرا تلاقي الي يحبك زي ما انتي... هيحبك عشان روحك عمرها ما كانت بالشكل ابدا..هيحبك بعيوبك قبل مميزاتك...(وحضنت وشها بايدها وتكلمت بصوت كله حنان) انتي جميله والي هيحبك هيشوفك اجمل بنت في الدنيا

ابتسمت غاده من كلام مامتها: طب انا خارجه شويه 

مامت غاده: خدي بالك من نفسك وما تتاخريش عشان عملالك الاكل الي بتحبي 
غاده حركة راسها بالايجاب ودي كانت اول مره يكون دا ردها كانت ديما اول ما تسمع اسم الاكل تفرح وتتحمس تعرف اي الاكله بس المره دي اكتفت بتحريك دماغك ومشيت.. مكنتش عارفه تروح فين لغايت ما قررت تروح تقعد قدام النيل وفضلت قعده بصاله وبس كان شعورها متلخبط ما بين الخو.ف.. الحز.ن.. التو..تر..

واساله ماليه دماغها غصب عنها دمو.عها نزلت وبدات تتكلم وهي بصه للنيل حست انها في عالم تاني ومش حسه بالناس الي حوليها: انا تعبت... والله تعبت...زهقت من نفس الكلام الي بسمعه لو دخل عريس البيت... انتي تخينه.. ازاي مستحمله نفسك بالحجم دا وانتي لسه في عز شبابك كدا... خسي شويه.. وحتي وانا ماشيه في الشارع بسمع تنمر من الناس الي حوليا... طب لي.. انا حره في نفسي (ومسحت دمو.عها) بس كلامهم بيو.جعني اوي (خدت نفس عميق وطلعته بحز.ن وو.جع) انا بجد تعبت 

: متحاوليش ترضى الناس مهما عملتي مش هيبقا كفايه
وهنا فاقت غاده علي صوت حد جنبها 
هو بصلها وابتسم: طلما انتي مرتاحه وانتي كدا يبقا ملكيش دعوه بالناس 
غاده مسحت دمو.عها: بس كلامهم بيبقا... 
قاطعها: محدش بيهمه شعور الي قدامه وكلامهم بيو.جع عشان كدا متهتميش 
غاده ابتسمت بو.جع: ازاي والكلام بيتقال في وشي عادي 
: متهتميش