رواية: لعنة الحب

قولتلها: " بصي يا ندي انا من فتره وانا حاسس بمشاعر من ناحيتك فعايز اعرف إذا كنتي حاسة بنفس المشاعر ولا لا عشان لما اروح لأهلك اعرف ردك " 
بصتلي وقالت: " الصراحة يا احمد انا كمان عندي نفس المشاعر اللي انت بتحسها لكن خايفة تكون بتحبني عشان انا شبه اختي اميرة" 
قولتلها: " صدقيني يا ندي انا بحب روحك مش شكلك "
قالتلي: " خلاص هحددلك معاد مع بابا وارن عليك واقولك " 
وفعلا بليل لقيتها بترن عليا وبتقول: " بابا موافق يا احمد انت هتيجي بكرا بليل "  فرحت ساعتها وقفلت معاها لكن كان نفسي اهلي يبقو معايا اليوم دا كلمت اكرم صاحبي وحكيتلو وطلبت منو يجي معايا لقيتو قالي: " ايه رأيك لو نعمل فرحنا مع بعض " 

وقعدنا نحكي لحد مخلصنا المكالمة ونمت من كتر التفكير وتاني يوم بليل روحت فعلا انا وصاحبي اكرم علي بيتها لقيت ابوها بيرحب بيا سرحت في الماضي لما كنت روحت اتقدم لأميرة وهو كان بيطردني اشمعني دلوقتي
لقيتو بيبصلي وبيقولي: " عارف انت بتفكر في ايه بس انا هجاوبك لما كنت بتيجي تتقدم لبنتي اميرة كنت لسه طالب ولا بتشتغل ولا اي حاجه كنت خايف علي بنتي زي اي اب بيخاف علي بنتو لكن انا مكنتش اتوقع انها تنتحر عشانك سامحني يبني بس عايزك توعدني انك تحط ندي في عنيك توعدني  " 
قولتلو: " اوعدك يا عمي " 
و بعد كام يوم كان فرحي انا واكرم صاحب عمري واتجوزت انا وندي والحمدلله عرفت قد ايه ربنا كريم