قصة حب فى لندن

كان فى قرية صغيرة من قرى احدى محافظات مصر كان فى أسرة بسيطة مكونة من الأب والأم وثلاثة بنات الأب كان بسافر  لدولة  من دول الخليج عشان يشتغل عامل وقدر يسرف على أسرته والأم كانت متولية تربية البنات مسئولة عنهم البنت الكبيرة اسمها غادة كانت طموحة جدا ومجتهدة وكانت متميزة فى دراستها هي كانت فى ثانوية عامة وأخواتها كانوا لسة صغيرين واحدة فى ابتدائى وواحدة فى الحضانة 

نيجى بقا لبطلة قصتنا وهى الإبنة الكبيرة غادة ذى ماقلنا غادة كانت طموحة ومتميزة وكان نفسها تبقا دكتورة وتسافر برة مصر تتعلم وكانت كل شوية تدعى ربنا يارب أسافر واتعلم برة وأكون دكتورة

غادة كانت ذى ماهيا مجتهدة وبتذاكر كانت بتحب تتفرج على التلفزيون كانت تحب اوى الأفلام القديمة والأجنبية الرومانسية وكانت بتحب حمادة هلال ومصطفى قمر واليسا كمان وبتسمع كل أغانيهم
يلا نسمع قصتنا من الأول
أذان الفجر الأم صاحية عشان تصلى
الأم:غادة يابنتى انتى لسة صاحية
غادة:لا ياماما انا نمت الساعة ١٢ ورجعت قمت الساعة ٢ عشان أكمل مذاكرة وهصلى ونام عشان أقدر أروح المدرسة

الأم:ربنا يوفقك وينولك ال فى بالك
غادة صلت ونامت ساعتين وبعدين صحيت جهزت نفسها للمدرسة وهى راجعة قابلت شاب جارهم فى الطريق اسمه أحمد هو قريب غادة من بعيد وكمان جيران 
أحمد:أذيك ياغادة 
غادة:الحمد لله 
أحمد:قرأتى الجواب ال بعتهولك 
نرجع فلاش باك فى المدرسة